ബീഫും കപ്പയും - തൃശൂര്‍ സ്റ്റൈല്‍

വേണ്ട സാധനങ്ങള്‍: 

1. ഒന്നാം ചേരുവ 
• ബീഫ് - ഒരു കിലോ 
• ഇഞ്ചി അരിഞ്ഞത്(പേസ്റ്റ് മതി) - ഒരു സ്പൂണ്‍ 
• പച്ചമുളക് - അഞ്ചു എണ്ണം 
• വേപ്പില - രണ്ടു കതിര് 
• വെളുത്തുള്ളി - അഞ്ചു അല്ലി / അര സ്പൂണ്‍ പേസ്റ്റ് 
• സവാള - രണ്ടു മീഡിയം സൈസ് - മീഡിയം സൈസില്‍ അരിഞ്ഞത് 
• മഞ്ഞള്‍ - കാല്‍ സ്പൂണ്‍. 
• ഉപ്പു - ആവിശ്യത്തിന് മാത്രം... 
2. രണ്ടാം ചേരുവ 
• മുളക് പൊടി - ഒരു സ്പൂണ്‍ (ഒന്ന് കൂടി ആവാം എരിവു വേണ്ടവര്‍ക്ക് ) 
• മല്ലി പൊടി - ഒരു സ്പൂണ്‍ 
3. മുന്നാം ചേരുവ 
• കപ്പ - ഒരു കിലോ, ചെറുതായി അരിഞ്ഞത് 
4. നാലാം ചേരുവ 
• ചെറിയ ഉള്ളി - എട്ടു എണ്ണം ചെറുതായി അരിഞ്ഞത് 
• എണ്ണ - 2-3 സ്പൂണ്‍ 

വെക്കുന്ന വിധം 

1. ബീഫ്, ഇഞ്ചി, പച്ചമുളക്, വേപ്പില, വെളുത്തുള്ളി, സവാള, മഞ്ഞള്‍, ഉപ്പു

   മുകളില്‍ പറഞ്ഞ ഐറ്റംസ് എല്ലാം ചേര്‍ത്ത് പ്രഷര്‍ കുക്കറില്‍ ഒരു 3-4 വിസില്‍ അടിക്കുന്ന വരെ വേവിക്കുക. 

2. 3-4 വിസില്‍ കഴിയുമ്പോള്‍, മുളക് പൊടിയും മല്ലി പൊടിയും എണ്ണയില്ലാതെ വറുത്തു എടുക്കുക. ചെറിയ തീയില്‍ ചെയ്താല്‍ കരിയില്ല. 
3. ഇത് വേവിച്ച് വെച്ചിരിക്കുന്ന ബീഫിലേക്ക് ഇടുക. ഇത്തിനോടെ കൂടെ ചെറുതായി അരിഞ്ഞ് വെച്ചിരിക്കുന്ന കപ്പ ചേര്‍ക്കുക. 
4. വീണ്ടും പ്രഷര്‍ കുക്കര്‍ അടച്ചു 2-4 വിസില്‍ അടിക്കുന്ന വരെ വേവിക്കുക. 
5. ആവി പോയതിനു ശേഷം അതിലേക്കു ചെറിയ ഉള്ളി മൂപ്പിച്ച് ചേര്‍ക്കുക..